氬（英文Argon）係元素一種，符號Ar，原子序號18，原子重量39.9481。佢密度0.0017837，溶點83.96，沸點87.3，熱容量有0.52。Argon響希臘文有「唔活潑」嘅意思，由佢嘅特性而來。氬喺室溫下係無色無味氣體。由於原子外層軌道充滿電子，因此佢唔容易發生化學反應，係一種惰性氣體。將佢放電時呈紫色。已知嘅氬嘅同位素共有14種，包括氬33至氬46。氬佔大氣體積嘅0.93%，係地球大氣中第三多嘅氣體，又係大氣中含量最多嘅惰性氣體。
